Tote le vocabulos del anatomia in interlingua e septe altere linguas forma le prime dictionario polyglotte basic con plus de tres linguas.

UMIVocabulario de anatomia  Le prime dictionario polyglotte basic de anatomia con plus de tres linguas ha apparite como ancora un dictionario specialisate in interlingua.

"Vocabulario de anatomia in le Interlingua-English Dictionary" es le obra de Carlos Soreto, representante de interlingua in Portugal e ex-secretario general del Union Mundial pro Interlingua. Illo es de 400 paginas e contine le vocabulario e terminos del anatomia in interlingua, anglese, germano, fracnese, italiano, espaniol e portugese, ultra le designationes in latino. Illo assi es un utensile indispensbile a studiantes avantiate e a professionales del scientias medical e biologic.

Le "Vocabulario de anatomia" consiste de tres partes: un dictionario de vocabulario anatomic con lemmas in interlingua e septe linguas, un extracto del "Interlingua-English Dictionary" con omne vocabulos e expressiones anatomic usate in le fundamento pro interlingua, e nove indices con le parolas separate un lingua post le altere. In ultra il ha un introduction e un bibliographia.

Le dictionario costa durante tote iste septimana 15 euros + le porto postal (pois le precio cresce a 20 euros) e pote esser comprate ci: "Vocabulario de anatomia in le Interlingua-English Dictionary".