Skip navigation.
Home

Le prime e-libros preste in EPUB

Le Bibliotheca electronic in interlingua introduce le prime e-libros in le formato flexibile.

UMI  Le sempre crescente collection de litteratura gratuite in interlingua, le Bibliotheca electronic in interlingua, aperi nove portas al mundo del e-libros.

Le duo titulos le plus recente - "Un Cavallero in le Celo" per Ambrose Bierce e "Mi Conto Bancari" per le humorista canadian Stephen Leacock - appare in le formato traditional PDF ma anque in le formato genuin pro e-libros, EPUB. Isto significa que le texto non es fixate a un certe formato originalmente developpate pro libros imprimite sur papiro ma va transformar se automaticamente al grandor del schermo sur le qual illo es legite. On pote anque mesme decider le grandor del texto e le fonte usate.

Le grande majoritate de e-lectores - excepte le Kindle de Amazon - lege EPUB nativemente. Usatores del Kindle debe, como sempre, mesme converter le e-libros pro poter leger los.

Le début del nove formato occurre con le duo obras traducite per Patricio Negrete de Chile. Ille ha antea livrate materiales pro le Bibliotheca electronic in interlingua.

Un serie de nove e-libros in EPUB es sub preparation, e sperabilemente anque titulos anteriormente publicate pote apparer in nove versiones in EPUB.

Visita le Bibliotheca electronic in interlingua

Initio del pagina