Skip navigation.
Home

Nove collection in le Bibliotheca electronic in interlingua

UMI  Un nove portion de e-libros ha essite addite al Bibliotheca electronic in interlingua que continua crescer.

Ancora 12 titulos ha essite addite al Bibliotheca electronic in interlingua que offere centos de horas de lectura.

Gratias al benevolentia del Societate Svedese pro Interlingua, un serie de e-publicationes ha potite esser includite in le Bibliotheca (www.interlingua.com/e-libros), un collection de materiales gratuite in interlingua que on pote leger directemente sur le schermo o discargar pro su tabletta computatorial o e-lector, o audir sur un sonator MP3.

Le nove titulos que ha apparite comprehende novellas, libros factual, discursos ab previe conferentias de interlingua e articulos. Le 12 nove e-libros es istos:

  • Harleigh Kyson Jr.: "Breve historia de Brasil" - un rapide supervista informative del historia del pais le plus grande in America de Sud
  • Ingvar Stenström: "Formation de parolas in interlingua" - un discurso super como appare le parolas in interlingua
  • Fábio M. Bertato: "Fratre Pacioli" - un narration super le monacho medieval e "Le ration de auro"
  • Bengt Enqvist: "In le tracias del huracan" - un historia horripilante e personal super quando un huracan attaccava Svedia
  • Harleigh Kyson Jr.: "Interlingua - curso de conversation" - un ample curso multo instructive
  • Guy de Maupassant: "Le aventura de Walter Schnaffs" - novella
  • "Le battalia de Mag Tured" - un importante legenda celtic
  • Ferenc Jeszenszky: "Le sex beneficios de interlingua" - le avantages de usar interlingua
  • Multatuli: "Le taliator japonese de petras" - un conto super ille qui desirava devenir le sol
  • Guy de Maupassant: "Le Testamento" - novella
  • Ervin Lázár: "Mi septe inamoratas" - breve novella surprendente
  • Ingvar Stenström: "Qui besonia interlingua?" - discurso super le diffusion de interlingua

Visita le Bibliotheca electronic in interlingua e selige inter centos de horas de lectura - absolutemente gratuitemente.

Initio del pagina