Union Mundial pro Interlingua (logo)Dictionario basic interlingua-espaniol  Un nove dictionario basic interlingua-espaniol es preste e pote esser discargate gratuitemente. Illo contine 3.000 entratas - le parolas le plus usate in interlingua. Illos coperi quasi tote situationes quotidian.

Le dictionario ha essite elaborate per Josu Lavin, le infatigabile representante de interlingua pro Espania, e contine omne le 2.500 parolas in le "Interlingua - dictionario basic" per Thomas Breinstrup e Italo Notarstefano plus omne parolas trovate in le vocabulario includite in le famose manual "Interlingua - instrumento moderne de communication international" per Ingvar Stenström.

Le dictionario ha 20 paginas A4 in formato PDF. Accentos tonic ha essite indicate, como anque le pronunciation de parolas special.

Visita le section Dictionarios, grammaticas e cursos que contine materiales didactic de interlingua in multissime linguas.