Bon Anno Nove

Stefan Schlegel de Germania ha facite su sito in Internet in interlingua, ubi on pote sequer su preparationes pro le 4.800 kilometros non-stop sur bicyclo a transverso del SUA.

UMI  Tote le fans e tote le pressa pote sequer le sportista german Stefan Schlegel in su preparationes pro le curso bicyclista a transverso del Statos Unite de America - e toto in interlingua.

In 164 dies habera loco le "Race Across America" (Curso a transverso de America, RAAM), un pista de 4.800 kilometros del Pacifico al Atlantico. Isto es le concurso de bicyclistas extreme le plus exigente del mundo.

Stefan Schlegel ha 34 annos, e su sito in Internet, http://www.stefans-race.de/ia, es ora in linea in interlingua in ultra de anglese e germano. Assi le fans, tote le pressa e tote sponsores habera informationes super le athleta sympathic anque in interlingua.