Skip navigation.
Home

Multissime libros pro le estate in le radio

|

Radio Interlingua presenta un emission estive super libros - pagate e gratuite ma sempre in interlingua. E le ascoltatores es invitate a presentar lor favoritos.

UMIRadio Interlingua  Libros e le grande litteratura de interlingua es le thema del edition estive de Radio Interlingua.

Il ha multissime titulos de libros imprimite e - sovente - gratuite e-libros in interlingua, ma il ha troppo de personas qui non lo sape. Pro isto, Radio Interlingua presenta un selection de titulos a pagar o simplemente discargar gratuitemente, e da un serie de bon ligamines que on mesme pote usar pro investigar le grande litteratura de obras original e obras traducite, libros belletristic e libros professional.

Thomas Breinstrup, le redactor del magazin Panorama in interlingua, presenta un selection de titulos pro crear appetito pro mesme cercar e leger plus. Le emission dura 31 minutas e es plen de consilios e bon avisos.

Le ascoltatores es invitate a presentar lor proprie favoritos in le litteratura in interlingua.

Radio Interlingua publica cata mense un nove emission totalmente in interlingua sub le redactorato de Péter Kovács, Hungaria, qui in augusto 2008 assumeva le carga. Le emissiones ha devenite multo popular. Milles de personas los discarga in formato MP3 o ascolta directemente in www.interlingua.com/radio.

Initio del pagina