Chepelare
Visita le pagina official del 19ne Conferentia International de Interlingua

Le excursiones del 19ne Conferentia International de Interlingua in Bulgaria in julio presentara multe surprisas.

UMICavas  Natura magnific, Le gurgite del diabolo, cavos del banditos e le centro administrative del region que totevia ha preservate multissime traditiones historic - isto es partes del ample programma de excursiones planificate pro le 19ne Conferentia International de Interlingua in Bulgaria in julio 2011.

Le conferentia que habera loco le 23-30 de julio 2011 in Chepelare, vicin al frontiera a Grecia, es un optime maniera de crear contactos con altere personas ab tote le mundo in omne etates. Le arrangiatores assi incoragia omnes a inscriber se con lor familias.

Como sempre le conferentia es un excellente occasion pro usar interlingua de matino a nocte (forsan mesmo dormir in illo?). Le programma comprehende sessiones con discussiones e labor practic in gruppos pro promover interlingua e su uso practic multo plus, intertenimento, musica, cantar, conversationes agradabile (sin labor), e alora le excursiones.

SmolyanVos pote vider ci un presentation del programma de excursiones e leger un poco super cata attraction.

Illes, qui non ancora se ha inscribite, debe hastar. Le arrangiatores spera assi (re)vider ancora multe plus de participantes de tote le mundo.

Chepelare, un famose citate montan 230 km al sud del capital Sofia, es situate in le montanias e assi ha agradabile temperaturas mesmo in le alte estate. In ultra, illo es le citate con le plus multe sol in le pais - 270 dies per anno.


Lege plus: