Skip navigation.
Home

Emission numero 30 de Radio Interlingua

|

Radio Interlingua parla del conferentia e presenta ancora un interessante interview.

UMI  Radio Interlingua es sempre active, e ora illo ha attingite 30 emissiones.

Le plus recente es illo de februario, un poco in retardo ma sempre fresc e con multo a ascoltar. Iste vice le redactor, Péter Kovács, primo presenta le veniente 19ne conferentia international de interlingua in Chepelare, Bulgaria - le data de inscriber se se approxima. Pois seque le quarte - e final - parte del interessante interview con Ingvar Stenström, le secretario del Societate Svedese pro Interlingua, registrate durante le incontro nordic de interlingua in Linköping, Svedia, in 2008. Ille narra super le chances de interlingua sur le strata mundial de linguas e inter le juvenes, super le attitude de juvenes a apprender linguas estranier, super le situation del inseniamento de linguas in Svedia, super le lingua anglese etc. In le fin, Erik Enfors - inspirate per le conto in emission 29 super le Familia Tante - presenta alcun membros plus famose de "Le familia Eric".

Como sempre le multe voces e narrationes es accompaniate per musica original, parve pecias excitante per le musico hungare, Csaba Kocsis.

Radio Interlingua publica cata mense un nove emission totalmente in interlingua sub le redactorato de Péter Kovács, Hungaria, qui in augusto 2008 assumeva le carga. Le emissiones ha devenite multo popular. Milles de personas los discarga in formato MP3 o ascolta directemente in www.interlingua.com/radio.

Initio del pagina