60 annos con interlingua in 2011

2011-01-14 18:46 Actualitate

2011 comencia per un jubileo extraordinari. Interlingua celebra su 60esime anniversario e ha devenite un ver lingua international.

UMI Interlingua 60 annos Interlingua entra in su 60esime anno in 2011. Le lingua totevia non es le mesme como in 1951. Illo se developpa cata die como un lingua natural con le septe linguas fonte a su vocabulario international.

Le 15 de januario es le Die de Interlingua e assi le anniversario del lingua. Isto es le data al qual - in 1951 - esseva obtenite le derectos de autor del prime obra in interlingua, le "Interlingua-English Dictionary" publicate per le International Auxiliary Language Association.

Hodie le Union Mundial pro Interlingua (UMI) ha membros e representantes in cinque continentes. Le UMI esseva establite in julio 1955, quatro annos post le apparition de interlingua. Le UMI es juridicamente registrate presso le autoritates francese.

Al 50esime anniversario se aperiva un section historic de www.interlingua.com al adresse www.interlingua.com/historia. Omnes es invitate a visitar lo. Ecce un selection de articulos super le historia de interlingua - e le personas detra le lingua:

Interlingua - forte, fructuose e futur Portrait al 50esime anniversario: Interlingua e su organisationes se ha developpate e crescite durante le 50 annos. Hodie le lingua es un standard international, i.a. gratias al Internet, al inseniamento in le scholas de ministros futur, e al multe publicationes que appare in interlingua. Isto es un portrait de 50 annos con interlingua. Lege plus	Interlingua nasceva in un clinica Esseva como patiente in un clinica que Alice V. Morris esseva tanto capturate per le idea de un international lingua auxiliar e establiva le organisation que 27 annos plus tarde presentava interlingua. Ma antea on habeva essayate unir altere linguas. Lege plus
Portrait duple Professor Toma Macovei pinge un portrait duple del motores detra interlingua, Alice V. Morris e Alexander Gode. Homage a un femina extraordinari \| Homage a un philologo extraordinari	Le homine del anonymitate Hugh E. Blair esseva le homine anonyme detra un grande parte de interlingua. Qui esseva ille? Con le adjuta de su filio e filia il ha finalmente essite possibile pinger un portrait de ille. Lege plus
Interview con André Martinet: Interlingua es "multo proxime a isto que io haberea presentate" Lege plus	Samaritano de scientia e interlingua Frederick Gardner Cottrell esseva le ver cerebro detra interlingua - le persona, qui ingagiava Alice V. Morris e Dave Hennen Morris in le idea e les faceva fundar le "International Auxiliary Language Association". Ma Cottrell anque esseva un famose scientista con un bon corde. Su inventiones supporta hodie scientistas futur con grande summas. Lege plus
Le tres principios principal del standardisation international in interlingua Un guida pro linguistas in le labor de constatar le vocabulario international de interlingua. Lege plus

» version pro imprimer

Navigation

Dictionario

Identification

60 annos con interlingua in 2011