Audi interlingua in dictionario parlante

Vocabulario parlante pote esser consultate in Internet.

  In un nove sito in Internet on pote trovar le pronunciation de quasi 1.400 parolas.

Forvo (al adresse www.forvo.com/languages/ia) ha como objectivo de colliger pronunciationes de "tote le parolas in le mundo". Gratias a Martijn Dekker, le vice-secretario nederlandese del Union Mundial pro Interlingua (UMI), e Gabriele Maranca de Argentina quasi 1.400 parolas ha ora essite registrate e publicate in le dictionario parlante.

Omnes es invitate de adder nove pronunciationes; on besonia solmente un microphono e un bon cognoscentia del pronunciation de interlingua.