UMI  Le numero de instrumentos computatorial pro le usator de interlingua continua crescer. Recentemente ha apparite duo correctores orthographic de interlingua pro le computator, uno pro le gratuite pacco OpenOffice, uno pro le navigator Mozilla Firefox quando on scribe formularios, e-postas etc. in fenestras de Internet. Péter Kovács, redactor de Radio Interlingua, explica ci como installar e usar los. (Audi anque le emission de novembre 2009 de Radio Interlingua, in le qual le uso del correctores es explicate.)

Corrector orthographic pro Firefox
Le corrector orthographic in Mozilla Firefox sublinea le parolas que illo non cognosce, e que assi pote esser erronee.

Corrector orthographic de interlingua in le navigator Firefox

Per le corrector orthographic de interlingua, elaborate per Julian Mendez, in le navigator Mozilla Firefox on pote scriber textos in rubricas pro inviar e-postas de superficie web o scriber opiniones, etc. in foros public o libros de hospites public, etc. correctemente in interlingua.

Illo sublinea le parolas per linea rubie, que non appare in su vocabulario (dunque: probabilemente es incorrecte in interlingua o falsemente dactylographate).

Si on pone le sagitta al parola in question e clicca per le button dextere del mus, un lista de parolas recommendate va apparer pro corriger le parola. Assi on debe seliger le parola, que on intendeva scriber, e le parola questionate va esser substituite - assi corrigite - per le parola seligite.

Assi tu face pro installar iste corrector orthographic pro le navigator Mozilla:

1. Discarga le file del spatio http://sourceforge.net/projects/interaction/files/dict/mozilla-dict-ia-0.1.0.xpi a tu computator e archiva lo in un loco, ubi tu pote retrovar lo.

2. Aperi le navigator Mozilla Firefox mesme.

3. Vade al menu "File" e selige "Aperi file" (o preme le buttones Ctrl+O al mesme tempore). Cerca le file, que tu ha discargate (post le installation tu pote deler iste file).

4. Postea le procession automatic creara un situation evidente como a installar le file. Illo es usual, como a qualcunque installationes.

5. Si tu comencia typar un texto in un quadro in le navigator (Firefox) pro inviar messages in-linea, le parolas "false" va esser sublineate per rubie. Alora clicca per le mus dextere, e tu va vider le parolas offerite pro corriger. Si le parolas offerite non es parolas de interlingua, cambia le lingua del quadro a interlingua (tu potera vider le lista del linguas post cliccar al quadro per le mus dextere).

Corrector orthographic de interlingua in Open Office Writer

Assi tu discarga e installa le corrector orthographic de interlingua in le programma pro rediger textos Open Office Writer:

0 a). Discarga le plus recente version (no. 3 o plus) del programma pro rediger textos, Open Office Writer, in tu lingua (preferite) de ci:

http://download.openoffice.org/index.html

A causa que Open Office con tote su applicationes es extense in grandor, pro nostre scopo il suffice discargar solmente OO Writer, ma si on besonia altere softwares de Open Office (pro mantener tabulas, facer calculationes, etc.), on pote discargar anque illos!

0 b). Installa Open Office (Writer) a tu computator.

1. Discarga le extension "Interlingua - Dictionario orthographic" del pagina http://extensions.services.openoffice.org/node/2215

2. Installa le extension. (Le procession automatic creara un situation evidente como a installar le file. Illo es usual, como a qualcunque installationes.)

3. Aperi Open Office.

4. Vade al "Preferentias" (in le menu "File" > "Utensiles") pro determinar interlingua como le lingua del documento que tu vole construer! Tu pote determinar interlingua como le lingua predefinite pro tote le documentos.

5. Si on comencia typar alicun parola in le nove documento sub preparation, le corrector orthographic va sublinear lo per linea rubie undulate in caso que illo non appare in su vocabulario, dunque es probabilemente mis-typate o incorrecte.

Si on clicca al parola in question per le dextere button del mus, il va esser offerite correctiones (si illos es parolas de interlingua, tu ha vermente succedite installar le corrector de interlingua!).

Selige del lista le parola que tu ha intendite e ecce: le parola "false" va esser substituite - assi corrigite - per le parola seligite.

(Multe parolas de interlingua non ancora appare in le vocabulario del corrector orthographic de interlingua, assi on mesme debe decider, si le parola sublineate per rubie es vermente un error...)