Skip navigation.
Home

Nove records pro Radio Interlingua

|

Sempre plus ascolta le nove radio directemente de www.interlingua.com.

  Malgrado solmente un medie anno de etate, Radio Interlingua continua obtener nove records.

Desde augusto 2008 un nove emission ha apparite cata mense, preste a audir directemente de www.interlingua.com o a discargar pro su computator o jocator MP3, assi que on pote ascoltar lo ubi e quando on desira.

E le radio es popular. Le prime emission ora ha essite discargate quasi 2.500 vices e se approxima a haber essite ascoltate directemente 1.000 vices. Duo altere emissiones ha tosto essite discargate cata uno 1.500 vices.

Ma sempre plus sovente, le visitatores ascolta le radio directemente del sito, monstra le statisticas. On non pote vider, si illes postea decide discargar le emission pro haber lo pro re-ascoltar lo plus tarde.

Anque le commentarios al emissiones monstra un attitude multo positive al radio que esseva fundate ante quasi dece annos - totevia solmente pro un breve periodo de function. Le nove Radio Interlingua presenta programmas con interviews, novas, musica etc., toto in interlingua, assi que on pote audir como interlingua es un lingua in plen flor e multo vivente, gratias al multe voces vivente qui participa in le labor.

Le adresse directe de Radio Interlingua es www.interlingua.com/radio. Ci on pote ascoltar o discargar anque le altere emissiones del Radio Interlingua.


Lege anque:
Interview con le historico (2009-02-14)
Jocos, musica e interview in Radio Interlingua (2009-02-14)
Milles ascolta Radio Interlingua (2009-01-24)
Nove programma de Radio Interlingua (2009-01-18)
Maestro de parolas in Radio Interlingua (2008-12-08)
Nove programma de Radio Interlingua (2008-11-07)
Nove emission de Radio Interlingua (2008-09-15)
Radio Interlingua retorna (2008-08-17)
Initio del pagina