Skip navigation.
Home

Interview con le historico

|

Nove libro documenta le historia de interlingua per le conferentias international. Radio Interlingua ha interviewate le autor.

  Un enorme documentation de plus que 50 annos de historia vidite per le conferentias international de interlingua appareva justo ante le fin del Anno Nove.

Ingvar Stenström, secretario del Societate Svedese pro Interlingua e inter le pioneros de interlingua, es le autor del nove libro "Interlingua e su promotion durante 50 annos" (compra lo ci per le casa editorial Lulu)- un narration personal del historia de interlingua.

In le septime emission de Radio Interlingua, Thomas Breinstrup, qui es le redactor del magazin official del UMI, Panorama, interviewa Ingvar Stenström super le enorme labor - e super su experientias con interlingua e le personas, que ille ha incontrate al conferentias desde 1955.

Ascolta anque Ferenc Jeszenszky, representante de interlingua in Hungaria, leger le novella "Elemento mancante" scribite per Alexander Gode-von Aesch, le ultime director de recercas del International Auxiliary Language Association (IALA) que in 1951 publicava interlingua.

Radio Interlingua ha in breve tempore devenite multo popular. Tres del emissiones anterior ha ja essite discargate plus que 1.000 vices, le prime de augusto 2008 mesmo plus que 1.600 vices.

Radio Interlingua recomenciava in augusto 2008 post quasi dece annos. Illo presenta nove programmas circa cata mense con interviews, novas, musica etc., toto in interlingua, assi que on pote audir como interlingua es un lingua in plen flor e multo vivente, gratias al multe voces qui participa in le labor.

Le adresse directe de Radio Interlingua es www.interlingua.com/radio. Ci on pote ascoltar o discargar anque le altere emissiones del Radio Interlingua.


Lege anque:
Jocos, musica e interview in Radio Interlingua (2009-02-14)
Milles ascolta Radio Interlingua (2009-01-24)
Nove programma de Radio Interlingua (2009-01-18)
Maestro de parolas in Radio Interlingua (2008-12-08)
Nove programma de Radio Interlingua (2008-11-07)
Nove emission de Radio Interlingua (2008-09-15)
Radio Interlingua retorna (2008-08-17)
Initio del pagina