Skip navigation.
Home

Nove programma de Radio Interlingua

|

Le quinte emission de Radio Interlingua porta nos 24 annos retro in tempore - e da nos le ration proque on debe parlar de un "conferencia" e non de un "conferentia"...

UMI  Radio Interlingua es preste con su quinte programma, e iste vice le redactor prende le ascoltatores 24 annos retro in tempore pro incontrar le hungaro Ferenc Jeszenszky, qui es membro del Commission Linguistic del UMI.

Ferenc Jeszenszky lege - in 1985, i.e. ante 24 annos - le conto "Valisiologia" per Alexander Gode, publicate in le libro "Dece contos", un historia vermente curiose. Le registration de iste conto esseva facite durante le 7-e Conferentia International de Interlingua in Taastrup, Danmark.

In le fin de julio 2008, 24 annos plus tarde, le redactor del radio, Péter Kovács, interviewava Ferenc Jeszenszky in le capital hungare, Budapest. In le interview ille narra de se mesme e su uso de interlingua.

Le programma anque joca musica del famose compositor hungare Zoltán Kodály, e Thomas Breinstrup, le redactor del Panorama in interlingua, presenta le novas le plus recente de interlingua.

Radio Interlingua que pote esser ascoltate directemente de www.interlingua.com o como discargas (o podcasts) in le formato MP3, es preste con su quinte emission de 26 minutas.

Radio Interlingua reaperiva in augusto 2008. Le intention es facer un emission per mense con interviews, novas, musica etc., toto in interlingua.

Le adresse directe de Radio Interlingua es www.interlingua.com/radio. Ci on pote ascoltar o discargar anque le altere emissiones del Radio Interlingua.

Initio del pagina