Kirchheimbolanden que in julio 2009 es le centro del mundo de interlingua se presenta ora officialmente in interlingua.

UMIKlaus Hartmüller  Le urbe german Kirchheimbolanden se presenta in interlingua in Internet.

Kirchheimbolanden essera le hospite del 18-e conferentia international de interlingua in julio 2009, ubi usatores de interlingua de tote le mundo se assemblara pro parlar interlingua e discuter como facer plus de personas usar le lingua.

Burgomaestro Klaus Hartmüller (photo) da ora su benvenita in interlingua al urbe e narra de su historia e attractiones in le sito del municipio in Internet que anque es presentate in anglese e francese. Le secretario general del UMI, Sven Frank, ha livrate le traduction.

Lege le presentation del burgomaestro in interlingua in le adresse www.kirchheimbolanden.de/765_1031_SC31.html. Le photo del burgomaestro veni de iste pagina.

Lege anque:
Conferentia international de interlingua in Germania in julio 2009
Scheda de inscription
Le 18ve Conferentia International de Interlingua