Skip navigation.
Home

Radio Interlingua retorna

|

  Emissiones in interlingua tosto pote esser ascoltate – o discargate pro le sonator MP3 - quando Radio Interlingua reappare ci in www.interlingua.com intra breve.

Assi on vermente pote audir como interlingua es un lingua in plen flor e multo vivente, nam multe personas va contribuer al programmas, e il habera multe interviews.

Le plano es facer nove emissiones cata mense. Cata programma essera de 10-15 minutas e va continer i.a. novas de interlingua, novas del mundo, interviews con personas active in interlingua etc.

"Le radio ha duo scopos: 1) informar interlinguistas e diverter los e 2) presentar interlingua como un lingua vivente pro homines extra le movimento," narra Péter Kovács (Hungaria), qui es le nove redactor de Radio Interlingua que originalmente poteva esser ascoltate durante 1997-1998.

Emissiones ancian de Radio Interlingua pote sempre esser audite o discargate pro su sonator MP3.

Plus de informationes va apparer ci in www.interlingua.com tosto.

Initio del pagina