Duo vices per mense, interessatos de interlingua se incontra in le centro de Copenhagen, Danmark, pro parlar in e super le lingua. Le si-appellate "Vesperes de interlingua" comencia de novo in septembre, e isto es le 16-te saison.

Le antepenultime e le ultime martedi de cata mense de septembre a maio il ha Vesperes de interlingua inter 19 e 21 horas a Sølvgades Skole, post minutas de ambular del station le plus usate in Copenhagen. Le secretario del Union Danese pro Interlingua, Thomas Breinstrup, insenia, e omnes es benvenite. Le participation es gratuite.

Le idea es apprender interlingua per leger textos e conversar. Grammatica, vocabulario e exercitios es parte del inseniamento.

Le participantes es in omne etates.

Le prime vespere de interlingua essera martedi le 11 de septembre in local 17. Omnes, qui desira participar, pote inviar un message al Union Danese pro Interlingua (adresse: info@interlingua.dk). Quando le data se approxima, on es rememorate de illo.