Le numero de visitantes al sito del Union Mundial pro Interlingua in Internet, www.interlingua.com, ha ora ultrapassate 125.000.

Solmente in februario 2007, le "limite sancte" de 100.000 visitatores al prime pagina esseva passate, e ora - tres menses plus tarde - 125.000 ha arrivate al entrata le plus importante de interlingua in Internet.

www.interlingua.com aperiva in un designo totalmente nove le 15 de januario 2006. Le 15 de januario es le Die de Interlingua, le data al qual fortias in tote le mundo se assembla pro facer actiones e activitates que attrahe le attention public a interlingua.

Desde iste tempore le sito ha essite developpate con nove materiales in multe linguas. E le visitatores continua arrivar. Le developpamento continua, e le UMI assi expecta continuar attraher multe nove interessatos al sito e a interlingua per un contento interessante e variate.