Dece contos del famose fratres Grimm de Germania ha apparite in interlingua como un parte del Bibliotheca electronic in interlingua, publicate ci in www.interlingua.com.

Harleigh Kyson Jr. del SUA ha traducite le contos que i.a. conta le ben cognoscite "Le musicos de Bremen". Le e-libro ha in toto 100 paginas.

Le Bibliotheca electronic in interlingua es un collection de e-libros, redigite e publicate per le Union Mundial pro Interlingua (UMI) in www.interlingua.com. Le collection consiste de textos de qualitate que on pote discargar e leger sur un schermo computatorial - o imprimer sur papiro, secundo su preferentias personal.

Le e-libros in interlingua demonstra le ric varietate de textos original o traducite, belletristic o professional, que existe in le litteratura de interlingua. Le e-libros normalmente es editiones con un limitate numero de paginas; libros plus grande, imprimite sur papiro, pote esser comprate per le Servicio de Libros del UMI.

Visita le Bibliotheca electronic in interlingua per cliccar in le navigation a sinistre. On debe registrar se como usator de www.interlingua.com pro obtener accesso al bibliotheca.