Skip navigation.
Home

Svedeses e encyclopedia in nove layout

  Duo sitos in interlingua in Internet ha cambiate layout pro apparer plus moderne e plus facile a usar.

Le Societate Svedese pro Interlingua (SSI) appare in un layout plus clar con un navigation plus facile a usar. Le contento del sito non ha cambiate. Continuemente, on pote trovar informationes super interlingua e le SSI, super manuales, dictionarios e cursos, un selection de e-libros, un mini-curso, un mini-dictionario, un foro de discussion inter le membros, communicationes al pressa e ligamines a altere sitos in Internet. Un parte del paginas es in interlingua, le majoritate es in svedese.
Visita lo a www.interlingua.nu.

Le encyclopedia libere in interlingua, le Wikipedia, anque ha habite un nove frontispicio. Le uso de colores e un layout plus stricte significa que on obtene un supervista multo plus clar del possibilitates. Al mesme tempore le numero de informationes al pagina initial ha crescite, assi facilitante le navigation. Actualmente le Wikipedia in interlingua contine 3.518 articulos. Omnes pote contribuer per adder nove informationes o adjutar in corriger linguisticamente le articulos ja publicate.
Visita le Wikipedia in interlingua a ia.wikipedia.org.

Initio del pagina