Skip navigation.
Home

Curso de interlingua in anglese in 15 lectiones

Union Mundial pro Interlingua (logo)Curso de interlingua pro comenciantes anglophone  Interlingua in 15 lectiones gratuite pro personas, qui parla anglese. Un tal curso es ora disponibile de www.interlingua.com. Thomas Breinstrup, redactor del magazin official del Union Mundial pro Interlingua, Panorama in interlingua, ha preparate le curso, que ha essite adaptate pro anglophonos per Åsmund Knutson, presidente del Union Norvegian pro Interlingua.

Le curso consiste de 10 lectiones basic que presenta le grammatica e pois cinque lectiones con conversationes e textos con plus de parolas. Il ha un grammatica, un clave al exercitios e un vocabulario con le circa 750 parolas del curso.

Tote le curso es presentate in forma electronic in le formato PDF, assi que on pote leger lo sur le schermo o imprimer lo sur papiro. Il es permittite usar le curso pro uso personal ma non distribuer o publicar lo. Le version anglese se trova ci.

Le curso anque existe in versiones norvegian (per Åsmund Knutson), italian (per Italo Notarstefano) e - multo tosto - german (per Franz Schmiedeberg). 

Initio del pagina