Un tote curso de interlingua pro germanophonos es inter le multe offertas que Deutsche Amateur Radio Station, DJ3UC, presenta in Internet. Franz Schmiedeberg, qui es active pro interlingua, ha create un tote section super interlingua con i.a. le curso in octo lectiones, un presentation de interlingua, un breve grammatica, le pronunciation, fabulas celtic, tres parve contos e le vocabulario basic de radio-amatores con expressiones utile in interlingua. Le sito es un ver perla pro interessatos de interlingua – radio-amatores o non. Le idea pote esser copiate per altere organisationes de interesses particular. Visita lo a www.mydarc.de/dj3uc/ia-curso.html.