Skip navigation.
Home

100-esime anniversario de Alexander Gode

  Alexander Gode-von Aesch, le ultime director de recercas del International Auxiliary Language Association e assi un del patres de interlingua, haberea habite 100 annos hodie, le 30 de octobre.

Alexander Gottfried Friedrich Gode-von Aesch (30 de octobre 1906-10 de augusto 1970) esseva director del recercas del IALA de 1946 e redactor del “Interlingua-English Dictionary" de 1951, le prime obra in interlingua, e co-autor del "Interlingua Grammar" de 1951. Ille nasceva in Bremen, Germania, graduava in Vienna, Sorbonne in Paris e al Universitate de Columbia in Nove York, SUA. Ille esseva active pro interlingua desde 1934 e fundava le casa editorial Storm Publishers in 1946. Post le dissolution de IALA in 1953 ille deveniva chef del Interlingua Division of Science Service in Nove York usque 1967, traducente e publicante articulos scientific in interlingua.

Ille esseva presidente del Union Mundial pro Interlingua desde su fundation in 1955 a 1970 e secretario general del organisation 1964-1970.

Le Association de Traductores American institueva le Medalio Alexander Gode "pro servicio extraordinari al professiones de traduction e interpretation". Gode esseva co-fundator de iste organisation, e ille recipeva mesme le premio del Federation International de Traductores justo ante su morte pro su labor del profession traductori. In augusto 1970 ille moriva de cancere, lassante su secunde sposa e duo infantes.

Le edition septembre-novembre del magazin international, Panorama in interlingua, publica un grande articulo super le chef del labor final con interlingua. 

Consulta le Historia de interlingua e lege plus super Alexander Gode e su labores ci:
Le historia antenatal de interlingua
Portrait de Alexander Gode
Biographia de Alexander Gode

Initio del pagina