Sexte curso universitari de interlingua
2007-12-15 11:11
Le Universitate de Granada ha pro le sexte vice arrangiate un curso de interlingua.
Del 5 al 23 de novembre le curso "Introduction al interlinguistica – interlingua parlate e scribite" esseva tenite per le Departimento de Didactica e Organisation Scholar al universitate espaniol. Como sempre, le alumnos debeva studiar interlingua, su grammatica e su vocabulario ma anque debeva practicar conversation in interlingua, leger textos in interlingua e facer actiones pro promover interlingua.
Durante le curso, le cursistas participa in le traduction de un obra major in interlingua. Iste anno, un libro del famose botanico svedese Carl von Linné - iste anno 300 annos - esseva traducite, e le publication de illo es ja projectate.
