logo
Publicate per le Union Mundial pro Interlingua (http://www.interlingua.com)

Servicio de information aperite pro le conferentia

Per Thomas
Create 2013-03-18 17:01

Freiburg

Information [0] • Invitation [0] • Inscription [0] • Propositiones [0]

Participantes in le 20me conferentia international de interlingua in julio 2013 pote inviar lor questiones practic.

UMIInformation  Participar in un conferentia international sempre significa multe questiones practic. Ora on pote obtener le responsas, si on va participar in le 20me conferentia international de interlingua [0] in julio 2013.

Le organisatores - i.e. le Union Mundial pro Interlingua e le Union German pro Interlingua - ha establite un "servicio de information" que on pote contactar, si on ha tal questiones practic. Le adresse a usar es isto: conferentia@interlingua.com [1]. On pote scriber su question(es) in interlingua, anglese, germano e francese, e le arrangiatores va responder si tosto que illes pote dar un responsa clar.

Le questiones pote tractar tote themas: Le viage, le facilitates del centro conferential, detalios super le pagamento, detalios super le repastos servite e naturalmente questiones general del conferentia.

Ma nota que le adresse non pote esser usate pro inscriber se pro le conferentia o pro inviar propositiones a themas e discursos. In tal caso, on debe consultar le pagina del 20me conferentia international de interlingua al adresse www.interlingua.com/conferentia/2013 [2].

Le 20me conferentia international de interlingua se arrangiara in Freiburg im Breisgau, in le angulo le plus sudwest de Germania e le loco con le plus multe sol in le pais, del 27 de julio al 3 de augusto 2013. Le ultime data pro inscriber se es le 31 de maio 2013.


Adresse de fonte:
http://www.interlingua.com/novas/2013-03-18-conferentia