Skip navigation.
Home

Tempore presente

§99

Le TEMPORE PRESENTE es formate del infinitivo per omitter le -r final. Illo es accentuate in conformitate con le regulas providite in §10.

crear: Io (tu, etc.) crea.
vider
: Io (tu, etc.) vide.
audir
: Io (tu, etc.) audi.

§100

Le tempore presente functiona naturalmente como le PRESENTE UNIVERSAL. Illo se extende a in le futuro plus liberemente que es possibile in anglese, specialmente quando le construction contine un adverbio inambigue de tempore.

Deo ama le homines.
Io non sape lo que es le nomine de iste animal.
Iste vespere io recipe mi canetto.

§101

Le verbos haber, esser, e vader ha un forma simplificate de tempore presente que consiste del prime syllaba del infinitivo: ha, es, va.

Proque io ha un terribile mal de capite, il es necessari que io va al doctor.

In le caso de esser, un forma plural distincte optional, son, es disponibile.

Initio del pagina