logo
Publicate per le Union Mundial pro Interlingua (http://www.interlingua.com)

Inscribe vos pro le conferentia in julio

Per Thomas
Create 2013-02-22 14:08

Freiburg
Visita le pagina official del 20esime Conferentia International de Interlingua [0]

ACTUALISATION 2013-06-04: Le limite de inscriber se ha essite ultrapassate. Il non plus es possibile inscriber se.

On debe inscriber se ora pro le 20me conferentia international de interlingua in julio in Germania. Le septimana costa 450 euros.

UMIMappa  Le inscription pro le 20me conferentia international de interlingua in julio in Germania ha aperite, e pro esser secur que on obtene le typo de camera que on prefere, on debe reager tosto.

Le conferentia jubilari - numero 20 - habera loco in Freiburg im Breisgau, in le angulo sudwest de Germania e de facto le loco con le plus multe sol in Germania. Le session de apertura del conferentia es sabbato le 27 de julio a 17 horas, e le conferentia fini le 3 de augusto a 12 horas.

Le participation pro tote le septimana costa in un camera singule 450 euros per persona, in un camera duple 370 euros per persona, e si on habita in le vicinitate e desira participar sin camera e jentaculo, on paga 210 euros per persona. Le precios comprehende - ultra le camera - tres repastos per die (jentaculo, lunch e dinar) inclusive caffe/the in le postmeridie e le vespere, e tote le planificate excursiones.

Le ultime data de inscriber se es le 31 de maio 2013. Quando on se ha inscribite, on debe pagar le deposito de 90 euros per persona al conto del Union Mundial pro Interlingua (UMI).

Lege plus: Scheda de inscription pro le 20me conferentia international de interlingua


Adresse de fonte:
http://www.interlingua.com/official/2013-02-22-conferentia