logo
Publicate per le Union Mundial pro Interlingua (http://www.interlingua.com)

20me Conferentia International de Interlingua

Per Thomas
Create 2012-10-09 14:29

20e Conferentia International de Interlingua
del Union Mundial pro Interlingua (UMI)
“Interlingua in le futuro”

le 27 de julio ~ 3 de augusto 2013  |  Benvenite a Germania!

↓Information↓ • Invitation [0] Programma [0]


UMI  Iste pagina va esser sempre actualisate con le novas le plus recente super le 20me conferentia.

Le UMI invita omne membros e lor familias al 20me Conferentia International de Interlingua in Freiburg im Breisgau in le sud-west de Germania, le 27 de julio al 3 de augusto 2013. Le session de apertura es le 27 de julio a 17 horas, e le conferentia fini le 3 de augusto a 12 horas. Veni apprender e practicar nostre belle lingua international in amicitate, collaboration, recreation e amusamento!

Nostre conferentia recreative, educative e productive es pro omne nivellos de interesse in interlingua, de novicio a parlante fluente:
- Cursos de interlingua pro comenciantes e avantiatos
- Programma de discursos e seminarios interessante
- Diverse excursiones pro explorar le ambiente historic
- Collaboration pro diffunder interlingua
- Facer nove amicos e incontrar personas interessante

LE NOVAS LE PLUS RECENTE
  • MappaConferentia de interlingua non possibile a effectuar [0]
  • Invia un salute al conferentia [Non plus possibile]
  • Programma [0]
  • Inscribe vos pro le conferentia in julio [0]
  • Invitation: Benvenite al conferentia de interlingua 2013 in Freiburg [0]
  • Servicio de information super conferentia aperi [0]
  • SCHEDA: Scheda de inscription [Le inscription ha finite]
  • SCHEDA: Appello a submitter propositiones a discursos e seminarios [Le submission ha finite]
  • Assiste in le promotion del conferentia [0]
  • Talentos creative: Da nos un logo pro le conferentia [0]

Factos del 20me conferentia


URBE CONFERENTIAL: Freiburg im Breisgau (brevemente: Freiburg) es situate in le si-nominate Angulo de Tres Paises - Germania, Francia e Suissa - e es assi de natura international. Al mesme tempore illo mantene le position como le urbe le plus calide e con le plus de sol in tote Germania. Illo ha 214.000 habitantes e es situate vicin a Schwarzwald, le famose Foreste Nigre, in le stato Baden-Württemberg. Freiburg es facilemente accessibile per ferrovia (station: Freiburg, distantia con taxi al centro: 7 minutas), per auto (A5 Karlsruhe-Basel o B31) o per avion (le euroaeroporto Basel-Mulhouse-Freiburg del qual va le autobus-pendula, distantia: 55 minutas).

CENTRO CONFERENTIAL: Le centro conferential essera Caritas Tagungszentrum. Illo es situate vicin a Schlossberg, le monte del castello, e es circumferite per un parco elegante, poc minutas a pede ab le citate ancian plen de atmosphera. Le centro ha tote facilitates moderne pro un conferentia - inclusive 15 salas - combinate con un atmosphera historic e con accesso libere a Internet sin filo. Illo contine anque un ample bibliotheca que es a disposition pro le visitatores. Il ha cameras pro handicapatos e cameras pro personas allergic. Le cocina servi repastos de alte qualitate usante ingredientes local e con un oculo al sanitate.

THEMA: Le thema del conferentia es "Interlingua in le futuro". Le conferentia cerca disveloppar un vision pro le position futur de interlingua in le societate mundial. Nos desira discuter e explorar le nove possibilitates pro diffunder interlingua e le uso active de interlingua in tote le mundo. Le sessiones, le labores e le presentationes debe dar inspiration pro concretisar iste nove possibilitates.

SERVICIO DE INFORMATION: Si tu ha questiones practic super le conferentia, contacta le servicio de information per conferentia@interlingua.com [1]. Scribe in interlingua, anglese, germano o francese. Nos responde si tosto como possibile. NB: On non pote inscriber se al conferentia per iste adresse!


Adresse de fonte:
http://www.interlingua.com/conferentia/2013