logo
Publicate per le Union Mundial pro Interlingua (http://www.interlingua.com)

Panorama con 28 paginas super le conferentia

Per Thomas
Create 2011-09-07 10:52

Chepelare
Visita le pagina official del 19ne Conferentia International de Interlingua [0]

Tote le edition de septembre-octobre, que justo ha apparite, es dedicate al successose 19ne Conferentia International de Interlingua in Bulgaria in julio.

UMIPanorama  Le nove edition de Panorama in interlingua [0] es preste con 28 paginas totalmente plen de reportage, novas, notitias e multissime photos del 19ne Conferentia International de Interlingua [0] in Bulgaria.

Participantes ab tote le mundo usava un septimana in le fin de julio in le agradabile montes in Bulgaria pro discuter in e super interlingua, e illes non solmente parlava. Illes esseva vermente active e productive lo que va monstrar se multo visibilemente durante le menses veniente.

Panorama reporta super grande e parve novas, activitates, excursiones, amusamento, cursos e multo, multo plus.

"Le conferentia esseva un grande successo, e omnes habeva un septimana multo memorabile. Pro isto le redaction ha decidite usar tote le edition de septembre-octobre pro le conferentia e tote su multe activitates. Sperabilemente illo pote inspirar multes, qui non ancora ha experientiate le atmosephera toto special, a venir al proxime conferentia international de interlingua in 2013," dice Thomas Breinstrup, redactor del Panorama.

Si tu non ja es un abonato, per favor, visita le pagina de abonamento [0], ubi il ha instructiones de como abonar se. Panorama appare imprimite e in un edition digital. Le edition digital es minus costose e es in colores.


Adresse de fonte:
http://www.interlingua.com/novas/2011-09-07-panorama