logo
Publicate per le Union Mundial pro Interlingua (http://www.interlingua.com)

Conferentia 2011: Nove data de inscription le 1 de maio

Per Thomas
Create 2011-03-28 20:03

Chepelare
Visita le pagina official del 19ne Conferentia International de Interlingua [0]

Ancora un mense pro inscriber se al 19ne Conferentia International de Interlingua in Bulgaria in julio 2011.

UMIChepelare  Omnes, qui non ancora se ha inscribite pro le 19ne Conferentia International de Interlingua [0] in Bulgaria in julio 2011.

Le arrangiatores assi spera revider ancora plus de participantes - e lor familias - de tote le mundo in Chepelare, un famose citate montan in le sud de Bulgaria, le 23-30 de julio. Chepelare a 230 km al sud del capital Sofia es situate in le montanias e assi ha agradabile temperaturas mesmo in le alte estate. In ultra, illo es le citate con le plus multe sol in le pais - 270 dies per anno.

Le programma es actualmente sub elaboration e contine como sempre un grande variation de un curso pro comenciantes, un curso de conversation pro illes qui parla ja ben, conversationes, discussiones super como diffunder interlingua ancora plus, excursiones, intertenimento e bon compania international.

Le ultime data de inscriber se [0] (clicca pro obtener le scheda de inscription) es le 1 de maio, ma il es multo recommendate facer lo si tosto como possibile.

Con le inscription on debe pagar un deposito de 90 euros per persona.

Lege multo plus super le 19ne Conferentia International de Interlingua ci. [0]


Adresse de fonte:
http://www.interlingua.com/novas/2011-03-29-conferentia