logo
Publicate per le Union Mundial pro Interlingua (http://www.interlingua.com)

Programma preste pro incontro franco-german

Per Thomas
Create 2010-09-13 11:49

Le programma pro le prime incontro franco-german de interlingua in octobre es preste. On debe inscriber se ora.

UMIRastatt  On pote esser secur de retornar con eloquentia active de interlingua post haber participate in le prime incontro franco-german de interlingua le 15-17 de octobre in le citate german Rastatt. On pote mesmo obtener un certificato.

Le Union German pro Interlingua (UGI) e le Union Interlinguista de Francia arrangiara in commun le incontro vicin al frontiera del duo paises. Le location es St. Bernhard Bildungszentrum.

On debe inscriber se a Sven Frank, presidente del UGI (e-posta: kontakt@ichp.de). Le precio es 100 euros pro incontro e repastos; accomodation on mesme arrangia con le centro. Le presidente del UMI, Barbara Rubinstein, ja ha annunciate su participation. Le programma offere extense cursos de interlingua, tempore pro conversar, excursion e un examine voluntari.

Lege plus ci: Prime incontro franco-german de interlingua [0]

PROGRAMMA PRO LE PRIME INCONTRO FRANCO GERMAN DE INTERLINGUA

VENERDI, LE 15 DE OCTOBRE
-15.00 horas: Arrivata del participantes
15.00-16.00 horas: Apertura official, benvenita de Sven Frank e Alix Potet, le organisatores in chef del incontro
16.00-16.15 horas: Pausa de caffe
16.15-19.00 horas: Curso de interlingua – Introduction e conversation super le familia (Professor: Sven Frank/ Alix Potet)
ab 19.00 horas: Tempore libere pro diverter se, parlar, haber discussiones, etc.

SABBATO, LE 16 DE OCTOBRE
9.00-12.00 horas: Curso de interlingua – Conversation in le citate e transporto public (Professor: Sven Frank/ Alix Potet)
12.00-13.30 horas: Lunch
13.30-16.00 horas: Excursion a Rastatt pro visitar le urbe
16.15-19.00 horas: Curso de interlingua – Conversation in hoteles e restaurantes (Professor: Sven Frank/ Alix Potet)
ab 19.00 horas: Tempore libere pro diverter se, parlar, haber discussiones, etc.

DOMINICA, LE 17 DE OCTOBRE
9.00-12.00 horas: Curso de interlingua – Ir a comprar cosas in le botecas e supermercatos (Professor: Sven Frank/ Alix Potet)
12.00-13.30 horas: Lunch
13.30-14.30 horas: Examine voluntari del participantes pro reciper le certificato a nivello A del Union German pro Interlingua
14.30-15.00 horas: Pausa de caffe, correction del examines
15.00-16.00 horas: Clausura del incontro, resolution franco-german, e bon viage al participantes

Adresse de fonte:
http://www.interlingua.com/2010-09-13-incontro