Skip navigation.
Home

Plurales

§25

Le PLURAL es formate per le addition de -s o – post un consonante – de -es. Un -c final cambia ante -es a -ch; p.ex.

singular plural (...s)
tabula tabulas
pagina paginas
homine homines
aere aeres
tempore tempores
libertate libertates
uso usos
fructo fructos
singular plural (...es)
uxor uxores
fun funes
galon galones
generation generationes
gas gases
singular plural (...hes)
roc roches

Plurales irregular occurre solmente in "vocabulos hospite" le quales ha retenite lor identitate estranier.

singular plural
le test le tests [Anglese]
le lied le lieder [Germano]
le addendum le addenda [Neo-latino]
le Abruzzi [Italiano]


Vocabulos docte que termina in -is forma lor plural como si le singular habeva un -e final:

singular plural
genesis (o genese) geneses
hepatitis hepatites


Compositos singular con secunde elementos in plural non ha plurales distincte.

singular plural
un guardacostas duo guardacostas
un rumpenuces duo rumpenuces
un paracolpos duo paracolpos

§26

Il non ha FORMAS DE CASO. Le functiones del dativo e genitivo in altere linguas es representate per prepositiones.

a Deo ...
Ille invia flores a su matre.
Nos paga taxas al governamento.
de Deo ...
Illa recipe le flores de su filio.
le debitas del governamento ...

§27

Pro le formation de substantivos como etiam de derivatos de illos, vide §§138, 139, 140, 141, 152, 154.

§28

Le modo in que le substantivos es usate in le phrase non differe considerabilemente del normas anglese. Nota, totevia, que le uso quasi illimitate de SUBSTANTIVOS CON FUNCTIONES ADJECTIVE es un tracto anglese que Interlingua non possede.

tempore hibernal, tempore de hiberno: winter weather
laboratorio de recerca: research laboratory
mantello de autumno, mantello pro autumno: fall coat
guarda de nocte: night watchman
bottilia de lacte, bottilia a lacte: milk bottle
canto de nocte, canto nocturne: night song

Initio del pagina