Seque le novas e communicationes del Union Mundial pro Interlingua in Facebook.

  Le usatores del medio social Facebook pote ora sequer le novas e communicationes del Union Mundial pro Interlingua (UMI).

In le initio de julio le UMI establiva un nove pagina official de Facebook pro informar interessatos potential e usatores existente de interlingua super lo que occurre pro promover le interesse pro e le uso active de interlingua in tote le mundo. Le adresse del nove pagina es: www.facebook.com/interlingua.umi [1].

Le Union Mundial pro Interlingua (UMI) ha organisationes, representantes e membros national in cinque continentes. Le organisationes e representantes national collabora inter se e coordina le effortios pro diffunder le uso e cognoscentia de interlingua.

Le motto de interlingua pro isto es communication sin frontieras.