Skip navigation.
Home

Radio Interlingua 019

Emission de 2010, februario. Contento: | Actualitates de interlingua per Thomas Breinstrup (Danmark) | Reporto de Sven Frank (Germania) super su experientias con interlingua in Espania | Interview con Martijn Dekker (Nederlanda) in le 11me Incontro Nordic de Interlingua, Linköping, Svedia, 2008 - prime parte |

Gratias pro iste nove emission

Gratias pro iste nove emission de Radio Interlingua. Illo esseva multo interessante. Io habeva un experientia simile como Sven Frank in Portugal in le anno passate ben que mi Interlingua esseva pejor que hodie.

Martijn de facto parlava un poco rapidemente, sed illo tamben es un bon exercitio...

Interview

Un correction minor: io es simplemente vice-secretario del UMI, non "vice-secretario general". In ultra, io vole remarcar que io non occupava iste posto in 2008, quando tu faceva le interview... :)

Re-ascoltante mi proprie interview post quasi duo annos, io debe constatar que io parlava troppo rapidemente. Io spera, nonobstante, que le ascoltatores succede a comprender lo que io dice. Si non, per favor publica hic un commento, e io respondera con un clarification.

- Martijn

Re: Interview

Gratias, Martijn; io non es conscie totalmente del positiones in UMI. Io sapeva, que tu substitue Sven Frank, qui es "secretario general", per consequente tu pote esser le "vice-secretario general". :-) Ma il es logic, que il non ha un vice-secretario "general" e un vice-secretario "specific", ma solo un vice-secretario... :-)

Io remarcava ja durante facer le interview, que tu habeva parlate rapidemente, ma io non ha dicite isto a te alora. Ora io ha considerate mesmo eventualmente lentar tu parlar, ma non lo realisava (naturalmente a causa que le tempore me urgeva a publicar iste emission de februario...), anque proque tu mesme ha le principio, que a portugeses tu parla rapidemente, a fin que illes non habe le tempore de recognoscer le differentias inter interlingua e portugese e perder in iste detalios, si ridente sur, si esser surprendite per illos... :-) Pro isto io spera e suppone, que le ascoltatores te comprende.

Péter Kovács

Informationes super le musica

Car ascoltatores,

Le artista Jeff Wahl sona per su gitarra le sequente pecias de su album Guitarscapes (in le ordine como illos appare in le podcast):

- Mockingbird
- Spanish ballad
- Horsetooth Soliloquy
- She misses the ocean.

Le album gratuite e libere a usar se trova sur le sito http://magnatune.com .

Initio del pagina