Le quarte edition del Dictionario Francese-Interlingua contine 55.000 entratas.
Justo ante Natal appareva le quarte edition multo augmentate del "Dictionnaire Français-Interlingua".
Le nove version contine quasi 3.000 neologismos non trovabile in altere dictionarios basic como le "Interlingua-English Dictionary" e "Lista supplementari", e illo ora ha circa 55.000 entratas. Le autor ha addite circa 3.000 nove entratas, addite nove significationes a multe entratas, e ugmentate abundantemente le numero de exemplos, phrases e expressiones. Le autor es le nederlandese Piet Cleij, professor pensionate de francese e ex-secretario general del Union Mundial pro Interlingua, qui ha recipite adjuta pro correctiones de Pierre Morin de Canada.
Le dictionario francese es de 719 paginas A4 e se vende directemente per Internet. Pro comprar lo, clicca ci: http://www.lulu.com/product/paperback/dictionnaire-français---interlingua/6075057 [1].
Lege anque:
www.interlingua.com/lulu [2] - tote le libros in interlingua publicate per Lulu - con ligamines directe a cata publication.
Servicio de Libros UMI [3] - un ample catalogo de publicationes in interlingua. Compra e paga in linea per carta a credito
Bibliotheca electronic in interlingua [4] - le collection gratuite de textos in interlingua, alcunos con sono (MP3)