Skip navigation.
Home

Radio Interlingua 016

Emission de 2009, novembre. Contento: | Interview de Thomas Breinstrup con Ingvar Stenström super le sequente 12nde Incontro Nordic de interlingua in 2010, Kalmar, Svedia | Thomas Breinstrup parla super le formato digital del revista Panorama | Correctores orthographic de interlingua in le programma computatorial pro rediger textos Open Office, respectivemente in le navigator Mozilla Firefox |

Corrector orthographic de interlingua in le navigator Mozilla

Car ascoltatores / lectores!

Como il ha essite dicite in le emission, per le corrector orthographic de interlingua in le navigator Mozilla Firefox on pote scriber textos in rubricas pro inviar e-mails de superficie web o scriber opiniones, etc. in foros public o libros de hospites public, etc. correctemente in interlingua.

P. ex. scribente iste message io justo usa iste application.

Illo me sublinea le parolas per linea rubie, que non appare in su vocabulario (dunque: probabilemente es incorrecte in interlingua o falsemente dactylographate).

Si io pone le sagitta al parola in question e clicca per le button dextere del mus, un lista de parolas recommendate va apparer pro corriger le parola. Assi io debe seliger le parola, que io habeva intendite a scriber e le parola questionate va esser substituite - assi corrigite - per le parola seligite.

Ma de ubi a discargar e como a installar iste corrector orthographic pro le navigator Mozilla?

1. Que vos discarga le file del spatio http://sourceforge.net/projects/interaction/files/dict/mozilla-dict-ia-0.1.0.xpi a vostre computatores.

2. Que vos aperi le navigator Mozilla Firefox mesme.

3. Que vos vade al menu "file" e selige "aperi file" (o que vos preme le buttones Ctrl + O insimul, al mesme tempore). Que vos cerca le file, que vos ha discargate (post le installation vos pote deler ille file).

4. Postea le procession automatic creara un situation evidente como a installar le file. Illo es usual, como a qualcunque installationes.

5. Si vos comencia typar un texto in un quadro in le navigator (Firefox) pro inviar messages in-linea, le parolas "false" va esser sublineate per rubie.

Alora que vos clicca per le mus dextere e vos va vider le parolas offerite pro corriger (vide supra lo que io ja ha scribite).

Si le parolas offerite non es parolas de interlingua, que vos cambia le lingua del quadro a interlingua (vos potera vider le lista del linguas post cliccar al quadro per le mus dextere).

Corrector orthographic de interlingua in Open Office Writer

Car ascoltatores / lectores!

Io ha promittite in le emission, que io va scriber le detalios exacte de ubi a discargar e como a installar le corrector orthographic de interlingua in le programma pro rediger textos Open Office Writer. Ecce illo!

0 a). Que vos discarga le plus recente version (no. 3 o plus) del programma pro rediger textos Open Office Writer in vostre lingua (preferite) de ci:

http://download.openoffice.org/index.html

A causa que Open Office con tote su applicationes es extense in grandor, pro nostre scopo il suffice discargar solmente OO Writer, ma si vos besonia altere softwares de Open Office (pro mantener tabulas, facer calculationes, etc.), vos pote discargar anque illos!

0 b). Installa Open Office (Writer) a vostre computatores!

1. Discarga le extension "Interlingua - Dictionario orthographic" del pagina http://extensions.services.openoffice.org/node/2215

2. Installa le extension! (Le procession automatic creara un situation evidente como a installar le file. Illo es usual, como a qualcunque installationes.)

3. Aperi Open Office!

4. Vade al "preferentias" (in le menu "file" "utensiles") pro determinar interlingua como le lingua del documento que vos vole construer! Vos pote determinar interlingua como le lingua pre-definite pro tote le documentos.

5. Si vos comencia typar alicun parola in le nove documento sub preparation, le corrector orthographic va sublinear lo per linea rubie undulate al caso si illo non appare in su vocabulario, dunque es probabilemente mis-typate o incorrecte.

Si vos clicca al parola in question per le dextere button del mus, il va esser offerite correctiones (si illos es parolas de interlingua, vos ha vermente succedite installar le corrector de interlingua!).

Que vos selige del lista le parola que vos ha intendite e ecce: le parola "false" va esser substituite - assi corrigite - per le parola seligite.

(Multe parolas de interlingua non ancora appare in le vocabulario del corrector orthographic de interlingua, assi vos mesme debe decider, si le parola sublineate per rubie es vermente un error...)

Ligamines al contento de iste emission

Car lectores, ascoltatores!

Ecce le ligamines in connexion del contento de iste podcast de RI:

- Articulo super le sequente Incontro Nordic de interlingua in Kalmar, Svedia, 2010

- Abonar se a Panorama pro reciper lo in forma digital e informationes super illo

Le redactor Péter Kovács spera, que vos ha habite un bon passatempore con iste podcast de Radio Interlingua!

Initio del pagina