logo
Publicate per le Union Mundial pro Interlingua (http://www.interlingua.com)

Salutation del urbe Kirchheimbolanden

Per Thomas
Create 2009-08-04 21:37

  Le salutation del vice-burgomaestro Peter Stumpfhäuser al apertura official del 18ve Conferentia international de interlingua in Kirchheimbolanden, sabbato le 25 de julio 2009:

Multo estimate senioras e seniores, car participantes del 18ve Conferentia International de Interlingua in Kirchheimbolanden.

Io vos saluta de plen corde, e io es felice que le dece-octave conferentia international es realisate in nostre parve urbe charmante.

Le gaudio commun del lingua mundial interlingua conduce omne le participantes a hic.

Pro isto un parte de vos viagiava de lontan.

Io spera, que nostre location vos placera.

Geographicamente vos vos trova in Palatinato Rhenan (in germano: Rheinland-Pfalz), in le nord del Palatinato Rhenan pro esser exacte.

Simile a altere partes del pais nos parla tamben nostre proprie dialecto, le palatinato, que es simile al hessiano (parlate in Hessen).

Ma tamben in palatinato nos ha pronunciationes differente.

Interlingua se comprende como lingua mundial e trova sempre plus de usatores.

Linguas in general es le comprension le plus successose inter homines. Illo es le forma le plus successose de communication.

Io lo trova interessante, que al latere de anglese como lingua mundial existe plus de linguas, que es parlate inter specialistas in tote le mundo, como interlingua.

Ex le programma on pote vider, que vos desira intensivar vostre cognoscentias in gruppos de labor differente.

Totevia, il ha bastante spatio pro le vita social.

Io vos desira dies interessante e plen de eventos in nostre parve residentia.

Multe gratias!


Le secretario general del Union Mundial pro Interlingua (UMI), Sven Frank (a sinistre), aperi le 18ve Conferentia International de Interlingua insimul con le vice-burgomaestro de Kirchheimbolanden, Peter Stumpfhäuser. Photo: Kathrine Breinstrup


Adresse de fonte:
http://www.interlingua.com/novas/2009-08-04-salutation