logo
Publicate per le Union Mundial pro Interlingua (http://www.interlingua.com)

Union German pro Interlingua fundate

Per Thomas
Create 2009-07-28 20:46

Le interlinguistas germanophone ha lor proprie organisation desde le 28 de julio.

  Le mundo germanophone ha desde hodie un nove organisation pro interlingua. Le Union German pro Interlingua (in germano: Deutsche Interlinguaunion) esseva fundate le 28 de julio durante le 18ve Conferentia International de Interlingua [0] in Kirchheimbolanden, Germania.

Le Union German pro Interlingua (UGI) ha eligite Sven Frank, qui es secretario general del Union Mundial pro Interlingua desde octobre 2008, como su presidente. Harald Dieter Schmidt-El Khaldi es le vice-presidente e anque responsabile pro le veniente sito de Internet del organisation. Manfred Magin esseva eligite tresorero.

Pro informationes ulterior, contacta le Union German pro Interlingua, Sven Frank, Hauptstr. 99, D-69469 Weinheim, Germania, tel. 06201-9799107, e-posta: secretario.general * interlingua.com.

Le 28 de julio del resto es le mesme die como le fundation del Union Mundial pro Interlingua (UMI) mesme in 1955.


Le fundatores del nove Union German pro Interlingua (UGI) - de sinistre Ricard Wilshusen, Peter Liebig, Sven Frank, Harald Dieter Schmidt-El Khaldi, Heidi Koch e Manfred Magin. Photo: Thomas Breinstrup


Adresse de fonte:
http://www.interlingua.com/novas/2009-07-28-ugi