[ articulos [1] | opinion/litteras [2] | chronica [3] ]
Articulos
Benvenite como contributor al Panorama! Le Panorama es le periodico official del Union Mundial pro Interlingua e es assi neutral in questiones politic e religiose. Isto totevia non significa que iste themas non es describite. Panorama es un magazin de novas in interlingua, cuje scopo es "acclarar, activar e amusar".
Panorama functiona como le ligamento inter membros del Union Mundial pro Interlingua ma es al mesme tempore un fenestra al mundo exterior demonstrante le uso de interlingua. Al fin, illo es sovente usate in le inseniamento de interlingua e se dirige assi anque a nove interessatos.
Iste regulas general pro contributores debe assecurar un certe homogeneitate in le articulos e lor linguage. In casos de dubita, contacta le redaction, que es sempre preste a dar consilios e bon avisos.
Linguage:
- Le texto debe esser clar, precise e — in le grado le plus extense — in un linguage non difficile, proque multe nove interessatos e non-interlinguistas es lectores del Panorama.
- Le linguage usate seque le orthographiation del "Interlingua-English Dictionary".
- Abbreviationes es omittite pro facilitar le lectura e comprensibilitate del texto.
- Referentias a personas debe occurrer con plen nomine (prenomine e nomine familial), profession e/o le position in question pro esser mentionate in le connexion.
- Al maximo 2 folios A4. Pro notas al maximo cinque lineas.
- Omne manuscriptos debe esser inviate al adresse in supra o al redactor thematic.
- Articulos es livrate per e-posta o sur dischetto; in tal caso, include un impression sur papiro del articulo. Nota sempre le nomine del programma de processamento textual, in le qual le texto esseva scribite.
- Adde le nomine e adresse (evt. adresse de vacantias e telephono) del autor responsabile pro correspondentias super le manuscripto.
- Nota, qual typo de articulo le manuscripto es supponite representar in le Panorama.
- Debe esser concise ma informative.
- Debe clarmente describer e summarisar le contento del articulo. (Isto non concerne litteratura belletristic.)
- Material original es le plus facile a reproducer. Include tal materiales si possibile e adde un breve texto concise describente le contento del illustration(es).
- Cata texto/illustration es connectite con le derecto de autor (copyright). In omne caso, ubi le Panorama debe publicar texto(s)/illustration(es) al quales vos non mesme possede le derecto de autor, es necessari haber le permission in scripto del autor/illustrator/photographo. Adde un copia de iste permission con le invio al redaction del Panorama.
Opinion/litteras
Litteras ab le lectores pro Panorama es benvenite. Pro mantener le pluralitate
del debatto, per favor, non scribe plus que ½ pagina A4. Le redaction
se reserva le derecto de rediger e abbreviar le litteras e de non publicar contributiones in le magazin.
NB: Litteras anonyme non essera publicate.
Per favor, include in le commentario:
- Nomine
- Adresse
- Numero postal + urbe
- Pais
- Eventualmente, telephono
- Eventualmente, fax
- E-posta
Clicca ci pro scriber a panorama@interlingua.com [4].
Chronica
Le texto del chronica:
- Un integre pagina in cata edition de Panorama.
- Le longor es exactemente le mesme cata vice: circa 520 parolas (exclusive le rubrica) correspondente a 51 lineas (exclusive le rubrica).
- Le rubrica debe esser informative e capturante: duo lineas con al maximo 18 litteras (inclusive spatio) per linea.
- Le spatio pro presentar le chronista per texto e photo es exactemente le mesme cata vice.
- Le thema pote esser un qualcunque: problemas de superpopulation, le dictionario interlingua—interlingua, inseniamento de linguas estranier... Isto es a discuter e acclarar con le redactor del chronica, qui debe assecurar un varietate del themas tractate.
Le presentation del chronista debe comprehender:
- Le nomine del chronista
- Le anno de nascentia
- Le nationalitate
- Le profession
- Eventualmente un mention proque ille/illa scribe iste chronica
- Totalmente un texto, cuje longor non debe passar iste exemplo:
Peter Gopsill, nascite 1944, es maestro de linguas moderne e professor de theologia. Ille es presidente del British Interlingua Society e membro del consilio de UMI.
Tote contacto concernente le chronica in Panorama debe esser facite con le redactor de iste section: Pierre Humbert, 9, place de Lisbonne, F-45430 Chécy, Francia.