Waterman, Marco: Celestina le gallina del vicina e Hanniballo le gallo del vicino

Professor Pannekoek in un de su obras face le proposition que litteratores e poetas creara un nove lingua elegante e melodiose pro reimplaciar le linguas cacophonic e miserabile, per le quales personas cultivate nunc es obligate a exprimer se.
Marco, qui suppone que le famose professor non ancora cognosce interlingua, scribe un littera al editor del libro. Ma on le communica que ille ha decedite alcun decennios retro... A medienocte, studiante le obra del professor, Marco entra in contacto con le spirito de professor Pannekoek, qui monstra un vive interesse pro interlingua.
Marco arriva in un trance e scribe sub le dictato del spirito del famose professor le rimas vocalic e melodiose, que vos pote leger in iste opusculo interessante e spiritual super le gallina Celestina e le gallo del vicino, Hanniballo!
Un charmante historia humoristic.
Le libro imprimite es publicate per Editiones Aquario, 1971, 60 pp., ill., A5, Servicio de Libros UMI: 4 €.
Iste audiolibro es registrate per Thomas Breinstrup, 2008.
3 files MP3 (64 MB) o OGG (70 MB), duration: 71 minutas