logo
Publicate per le Union Mundial pro Interlingua (http://www.interlingua.com)

Conto famose in interlingua - con audio

Per Thomas
Create 2007-12-26 13:07

  Le Bibliotheca electronic in interlingua presenta un del contos le plus famose in le mundo, "Le princessa dormiente" per le fratres Grimm.

Sven Frank e Italo Notarstefano ha traducite le conto del original german, e Paolo Castellina lo ha registrate como un file MP3, assi que on pote ascoltar lo, durante que on lege le texto.

Le Bibliotheca electronic in interlingua es un collection de e-libros, redigite e publicate per le Union Mundial pro Interlingua (UMI) in www.interlingua.com. Le collection consiste de textos de qualitate que on pote discargar e leger sur un schermo computatorial - o imprimer sur papiro, secundo su preferentias personal.

Le e-libros in interlingua demonstra le ric varietate de textos original o traducite, belletristic o professional, que existe in le litteratura de interlingua. Le e-libros normalmente es editiones con un limitate numero de paginas; libros plus grande, imprimite sur papiro, pote esser comprate per le Servicio de Libros del UMI.

Ligamines:
Servicio de Libros UMI [0]
Le Bibliotheca electronic in interlingua [0]


Adresse de fonte:
http://www.interlingua.com/novas/2007-12-26-princessa