logo
Publicate per le Union Mundial pro Interlingua (http://www.interlingua.com)

Invitation: Scribe recensiones del libros in interlingua

Per Thomas
Create 2007-01-29 23:07

Scribe un breve recension de tu libros favorite in interlingua.

  Le litteratura in interlingua es ric e multo variate. Libros original e manuscriptos traducite appare - imprimite sur papiro o publicate como e-libros. Al mesme tempore, le precios del litteratura es minimal comparate al precios del libros in altere linguas. E - ante toto - il es multo facile ordinar e pagar le libros in linea per Internet e carta a credito. Visita mesme le Servicio de Libros UMI per cliccar al puncto "Libros e litteratura" in le navigation a sinistre.

Adjuta nos facer le servicio melior. Nos besonia tu opinion del libros favorite in interlingua, que tu ha legite. Scribe nos breve recensiones de tu favoritos. Illos pote esser de inspiration pro alteres, qui assi pote esser guidate a seliger le bon libros a comprar.

Un selection del recensiones essera publicate in le magazin official del Union Mundial pro Interlingua, Panorama in interlingua, e - si possibile - tote le recensiones essera publicate ci in www.interlingua.com como inspiration a leger plus de libros e textos in interlingua. Nam isto es un bon methodo pro apprender le lingua.

Naturalmente tu debe scriber tu recension(es) in interlingua.

Utilisa iste formulario. Le campos indicate con asterisco (*) es obligatori.


*Nomine complete:
*Pais:
*Adresse (e-posta):
*Titulo:
(Scribe le titulo del libro e le nomine del autor.)
*Recension:
*Numero de stellas: * * * * * (cinque)
* * * * (quatro)
* * * (tres)
* * (duo)
* (un)
 


Adresse de fonte:
http://www.interlingua.com/libros-recensiones