logo
Publicate per le Union Mundial pro Interlingua (http://www.interlingua.com)

Professor aperi incontro nordic in interlingua

Per Thomas
Create 2006-05-16 17:06

  Un professor del latino classic aperi le incontro nordic de interlingua in le latino moderne.

Hans Aili, prefecto del Institution pro linguas francese, italian e classic e del Institution pro linguas oriental al Universitate de Stockholm e professor de latino, ha acceptate le invitation a aperir le 10-me incontro nordic de interlingua - in interlingua.

Le incontro se arrangiara in le belle Vadstena in Svedia central le 26-30 de julio. Le 26-28 il habera duo cursos intensive de interlingua, un pro comenciantes e un altere pro conversantes. Le 28-30 es dedicate al incontro, ubi usatores active de interlingua del paises nordic e visitatores de altere paises se assembla pro discuter como augmentar e fortificar le diffusion e uso practic de interlingua.


Adresse de fonte:
http://www.interlingua.com/novas-incontro