logo
Publicate per le Union Mundial pro Interlingua (http://www.interlingua.com)

Curso e incontro nordic sin pagar pro camera

Per Thomas
Create 2006-03-20 09:42
  Il es ora possibile participar in le curso intensive de interlingua e le 10-me incontro nordic de interlingua sin pagar pro un camera. Le offerta es pro illes, qui desira pernoctar in altere locos ma ancora participar le 26-30 de julio 2006 in Vadstena in le centro de Svedia, al ripa del laco V├Ąttern. Un tal participation non include jentaculo ma solmente lunch, caffe e cena.

Le precios es assi:
Sin camera, curso pro comenciantes/curso de conversation (le 26-28): 510 coronas svedese
Sin camera, incontro nordic de interlingua (le 28-30): 400 coronas svedese
Sin camera, curso + incontro nordic (le 26-30): 900 coronas svedese

Le ultime die de inscriber se e pagar es le 25 de maio, ma il es multo recommendate inscriber se immediatemente, si on vole esser secur de haber le typo de camera desirate.

Le scheda de inscription se trova a:
Le Societate Svedese pro Interlingua [1]


Adresse de fonte:
http://www.interlingua.com/incontronordic2