logo
Publicate per le Union Mundial pro Interlingua (http://www.interlingua.com)

17-me Conferentia International del Union Mundial pro Interlingua

Per Thomas
Create 2006-01-24 13:11

le 16 ~ 22 de julio 2005  |  Benvenite a Svedia!


Halland – vicin a toto

Le population de Halland vive le plus longemente.

SVEDIA – Halland es un region con un augmentation forte del population, un vita economic-industrial con multe faciettas, un vita ric de cultura e con grande tresores del natura.
      Halland es un paisage vicin – vicin al mar, vicin al foreste e vicin al homines. Le region ha sex municipios e 283.000 habitantes con un amelioration del occupation que es melior que le media in Svedia.
      Il ha un natura fin con plagias munde, forestes non toccate, aquas ric de pisces in le mar e in le rivos fluente. Le qualitate del vita es alte, e le population de Halland vive le plus longemente in le pais – 78,68 annos pro viros e 83,08 annos pro feminas.

Plagias de sablo de mar basse

SVEDIA – Åsa e le citate vicin, Frillesås, ha devenite appreciate locos estive con plagias de sablo de mar basse.
      Åsa e Frillesås ha desde le initio del annos 1900 essite locos popular de baniar. Gratias al arrivata del ferrovia in le fin del annos 1800, le costa de Halland deveniva plus facilemente attingibile pro le habitantes de Göteborg. In le postmeridies del sabbato le stationes esseva plen de gente, quando le trainos de Göteborg arrivava. Multe visitatores de baniar veniva solmente pro un die, alteres remaneva.
      In le nord de Halland, le nude costa roccose del region Bohus se uni con le longe plagias de sablo. In Åsa e Frillesås le roccas deveni minus numerose e plagias de mar basse deveni sempre plus longe.
      Åsa ha hodie le Banio de Mar de Åsa con camping de quatro stellas. Il ha anque un motel e numerose cabanas estive. Le restaurate colonia pro infantes, Solvik al ferma Kuggavik, ha devenite un appreciate pensionato e albergo.
      Al west de Åsa sur le peninsula Ölmanäs, se trova le reservation natural Näsbokrok. Il ha un panorama magnific al mar, al campos de erica e al roccas platte. On anque vide le pharo Nidingen. Septe grande pilas de petra del era de bronzo es pecias del historia svedese.
      Interessatos de labor de mano debe visitar Irene Karlsson in Åsa. Illa maestra le maniera typic de suer in Halland, e in le museo il ha un collection unic del bordatura. 

Texto in interlingua adaptate del material touristic del Officio de Tourismo in Kungsbacka (www.kungsbacka.se)

Bon a saper in Åsa

Bibliotheca
Le bibliotheca in Åsa es un integrate bibliotheca popular e scholar. Illo entrava in le edificio principal del schola in Åsa in 1996. Le bibliotheca ha litteratura belletristic e professional pro infantes e adultos plus albums, jornales, magazines, films de video, discos de CD e CD-ROM, obras de referentia e exhibitiones. Fax, photocopiator e computator anque es trovabile. De tempore in tempore il ha activitates pro infantes e pro adultos.

Åsa bibliotek (Bibliotheca de Åsa)
Pölagårdsvägen 8, 430 31 Åsa
Telephono: (+46) 0300-83 68 40
Fax: 0340-65 68 39
E-posta: asa.bibliotek@kungsbacka.se

Horas de apertura (maio-augusto):
lunedi e jovedi 15-19
mercuridi 12-16

Ecclesia
Le ecclesia de Sancte Laurentia esseva construite in 1955. Illo es situate circa 200 metros del camping.

Sankt Lars kyrka (Ecclesia de Sancte Laurentio)
Telephono: (+46) 0340-64 94 60

Museo de broderia
Lilla Hamragårdens Hemslöjdsmuseum (Le museo de broderia de Lilla Hamragården) es un museo pro le broderia typic del region de Halland, "Hallandssömmen", ric de symbolos e developpate durante le annos 1700 e 1800. Le designo sovente es inspirate del Biblia. Irene Karlsson es un del optimes de iste typo. Illa ha trovate e documentate plus que 300 modellos e recipite plure precios cultural. Le museo anque demonstra labor de ligno e de palea.

Al entrata de nord in Åsa, torna a sinistre in le rondello verso "Kläppa"/"Stockalid". Va a dextere a Hamragårdsvägen, passa un ferma a cata latere del via. Le museo es situate al latere sinistre.

Lilla Hamragårdens Hemslöjdsmuseum
Telephono: (+46) 0340-65 12 92
   

In iste pagina: Halland - vicin a toto | Plagias de sablo de mar basse | Bon a saper in Åsa


Adresse de fonte:
http://www.interlingua.com/conferentia/2005/halland