logo
Publicate per le Union Mundial pro Interlingua (http://www.interlingua.com)

17-me Conferentia International del Union Mundial pro Interlingua

Per Thomas
Create 2006-01-24 13:01

le 16 ~ 22 de julio 2005  |  Benvenite a Svedia!


Göteborg - urbe no. 2 in Svedia

Le excursion de un die include tour con guida,  visita in nove museo, tour con nave de tourismo e tempore pro un promenada.

SVEDIA – Göteborg es le urbe le secunde in grandor in Svedia con circa 481.000 habitantes, situate al costa west de Svedia. Le urbe esseva fundate per rege Gustav II Adolf e obteneva privilegios urban in 1621. Göteborg es le capital regional del region Västra Götaland. Le heraldica del urbe es un bandiera blau e blanc con le leon regal.
     Göteborg ha un opera, 25 theatros, 17 museos, 50.000 arbores, 204 tramwayes, 519 restaurantes, 37 salas de cinema, duo universitates, 54 hoteles, 156 cafés, 92 arrivatas diurne al aeroporto Landvetter e tres milliones visitatores in le enorme parco de amusamento Liseberg.
     Göteborg ha traditiones longe de commercio e industria, e alcun del grande industrias como Volvo e Hasselblad ha lor origine o quartiero capital ci. Un parte importante del exportation e importation de Svedia prende loco via le porto de Göteborg, le plus grande in le paises nordic.
     Kungsportsavenyn, inter Götaplatsen e Kungsportsplatsen, ubi Paddan comencia su viages, es le plus importante strata con multe restaurantes e greges de homines qui cammina.
     Göteborgs Konstmuseum es situate in Götaplatsen e probabilemente nos comencia nostre viage de retorno ibi.
http://www.goteborg.com [1] (in svedese, anglese, germano, francese, italiano, espaniol, finnese)

Paddan - excursion per nave aperte
Parti del Kungsportsplatsen (Le placia del porta regal) usque a quatro vices per hora. Le tour dura circa 50 minutas.
Precio: adultos 95 coronas, infantes (6-12 annos) 60 coronas, familia (2 adultos + 2 infantes de 6-12 annos) 250 coronas
27 de junio-14 de augusto: 10.00-21.00 horas

Le Museo de Cultura Mundial
(Världskulturmuseet)
Le entrata es gratuite al nove museo. 
Desde le apertura in decembre 2004, plus que 150.000 ha visitate le museo. Multes ha prendite le elevator al etage basse e incontrate le exposition "Horizontes - voces de un Africa global" que tracta del commercio con sclavos a transverso del Atlantico. 
Le museo tracia su origine al collectiones ethnographic del Museo de Göteborg. Objectos, photos e documentos colligite per viagiatores ha contribuite a sapientia e comprension plus ample.
Horas de apertura:
27 de junio-21 de augusto 2005
omne dies 10.00-19.00 horas
Precio de entrata: 135 coronas per persona
http://www.varldskulturmuseet.se [2] 

Le Museo de Arte de Göteborg
(Göteborgs Konstmuseum)
Le museo ha collectiones del annos 1400 usque hodie. Le profilo es nordic, ma le collectiones comprehende obras per i.a. Rembrandt, van Gogh, Monet e Picasso. Le museo ha un del collectiones le plus excellente de arte nordic del cambio de seculo con artistas como Ernst Josephson, Carl Larsson, P.S. Krøyer e Anders Zorn.
http://www.konstmuseum.goteborg.se/ [3] 

Universeum
Universeum es le centro national de scientia in Svedia. Ci on investiga scientia natural e technica - toto de squalos e forestes pluvial a experimentos interessante.
     Universeum es vicino al parco de amusamento Liseberg a Korsvägen
Horas de apertura:
27 de junio-21 de augusto omne dies a 10.00-19.00 horas
precios: 135 coronas per persona, infantes de minus que cinque annos es gratuite
http://www.universeum.se [4] 

In iste pagina: Paddan - excursion per nave aperte | Le Museo de Cultura Mundial | Le Museo de Arte | Universeum

Le excursion del integre die vadera a Göteborg, ubi un guida va circular con le conferentia, que anque visitara le Museo de Cultura Mundial, videra le urbe de un nave de tourismo e habera tempore pro un promenada libere. Durante le excursion de un medie die, on pote visitar le fortalessa de Varberg que es si ric de historia interessante le reserva de aves a Getterön, un del locationes le plus importante in Svedia pro aves de areas del mar, o Äskhult, un museo a libere aere de como viveva le svedeses antea.


Adresse de fonte:
http://www.interlingua.com/conferentia/2005/goteborg