logo
Publicate per le Union Mundial pro Interlingua (http://www.interlingua.com)

Dictionario basic anglese-interlingua e informationes in persa

Per Thomas
Create 2019-08-02 17:14

Plus de materiales gratuite super interlingua in le linguas national.

UMIEnglish-Interlingua - A basic vocabulary [0]  Un gratuite dictionario anglese-interlingua con le 2.000 parolas le plus frequente e informationes super interlingua in persa es le plus recente additiones a www.interlingua.com pro supplementar le archivo de materiales informative in le linguas national.

Le Union Mundial pro Interlingua ha re-publicate le "English-Interlingua - A basic vocabulary" (Anglese-interlingua - Un vocabulario basic), elaborate per Brian C. Sexton pro le Societate Britannic pro Interlingua in 1978. Le dictionario contine tote le parolas que on besonia pro parlar e scriber interlingua in uso quotidian e es un instrumento utilissime pro anglophonos. Le dictionario pote esser discargate como un file PDF que on pote usar in un schermo o imprimer sur papiro. Discarga lo ci con multe altere materiales pro anglophonos: "English-Interlingua - A basic vocabulary" [0].

Le mini-presentationes de interlingua e su possibilitates in le section Info national ha essite supplementate per un version in persa. Vide lo ci. [0] Le mini-presentationes es un excellente maniera de rapidemente esser ben informate super interlingua e su possibilitates. Le presentationes existe in numerose linguas, e le Union Mundial pro Interlingua essera multo interessate in adder ancora multe linguas. Isto comprehende tote le bandieras ancora inactive e nove linguas. Usa le formulario de contacto [0] pro inviar un message al redaction del magazin Panorama in interlingua, que coordina le labor.


Adresse de fonte:
http://www.interlingua.com/novas/2019-08-02-infonational