logo
Publicate per le Union Mundial pro Interlingua (http://www.interlingua.com)

Ultime chance 30 de junio: Participa in le conferentia con reduction

Per Thomas
Create 2019-06-22 21:41

Reage promptemente e obtene un bon disconto del precio de participar in le 23e conferentia in Praga in septembre.

UMIle 23e conferentia international de interlingua [0]  Si tu vole participar in le 23e conferentia international de interlingua [0] in Praga le 21-28 de septembre 2019 con reduction, tu debe reager ora. Le 30 de junio es le ultime data pro obtener le disconto.

Usa le scheda de inscription [0] pro inscriber te – forsan con alcun amicos e/o tu familia con reduction:

Si tosto que le inscription ha essite recipite, le administration del UMI invia un confirmation con le precio exacte a pagar.

Le die de arrivata es sabbato le 21 de septembre. Le conferentia comencia dominica le 22 con sessiones, officinas/workshops, discursos, presentationes, intertenimento, conversationes agradabile, excursiones a i.a. le parlamento tchec e le ancian castello de Praga e multo plus. Le conferentia dura usque venerdi le 27 de septembre. Sabbato le 28 de septembre es le die de partita.

Naturalmente il ha anque cursos de interlingua pro comenciantes e pro illes, qui ja cognosce interlingua e ora debe extender le vocabulario e parlar plus fluentemente.

Le conferentias de interlingua attrahe sempre e nove interessatos, multes qui ha participate anteriormente, e illes qui ha essite presente a tote le conferentias. Omnes veni pro apprender como le labor va de extender le cognoscentia a e le uso practic de interlingua in le mundo, pro excambiar ideas e pro discuter como facer ancora plus – preferibilemente in collaboration international.

Lege plus super le conferentia e inscribe te: www.interlingua.com/conferentia/2019 [0]


Adresse de fonte:
http://www.interlingua.com/novas/2019-06-22-conferentia