logo
Publicate per le Union Mundial pro Interlingua (http://www.interlingua.com)

Inscription aperite: Participa in le conferentia de interlingua in Praga con disconto

Per Thomas
Create 2019-03-14 12:24

Si tu es rapide e te inscribe ante le 30 de junio, tu pote sparniar multe moneta. Un belle septimana con interlingua de matino a nocte te attende in excellente compania.

UMIle 23e conferentia international de interlingua  Le inscription ha aperite pro le grande conferentia international de interlingua in Praga [0] in le autumno le 21-28 de septembre 2019.

Le Union Mundial pro Interlingua arrangia inc ollaboration con le Union Tchec pro Interlingua le 23e conferentia in le centro del capital tchec. Illo essera un septimana plen de possibilitates pro usar e experientiar interlingua in le compania de un multitude de personas interessante ab tote le mundo.

Le inscription ha comenciate. Visita le scheda de inscription [0] e plena le scheda in linea. Selige, si tu desira un camera singule o duple. Le jentaculo es includite in le precio – le lunch e le cena on mesme selige e paga in le restaurante, assi que illes, qui ha un budget limitate, pote sparniar un poco. Si on se inscribe ante le 30 de junio (e paga le deposito de 70 euros immediatemente), on participa a un precio notabilemente minor. Dunque reage promptemente.

Le conferentias de interlingua attrahe sempre e nove interessatos, multes qui ha participate anteriormente, e illes qui ha essite presente a tote le conferentias. Omnes veni pro apprender como le labor va de extender le cognoscentia a e le uso practic de interlingua in le mundo, pro excambiar ideas e pro discuter como facer ancora plus – preferibilemente in collaboration international.

Le programma, que es sub elaboration, consiste de excursiones pro vider le area e da le optime possibilitate de conversar (in interlingua, naturalmente), e il ha intertenimento, discursos e presentationes de multe themas differente (sempre in ma non necessarimente super interlingua). Naturalmente il ha anque cursos de interlingua pro comenciantes e pro illes, qui ja cognosce interlingua e ora debe extender le vocabulario e parlar plus fluentemente.

On arriva sabbato le 21 de septembre e parti sabbato le 28 de septembre. Le conferentia ha loco le 22-27 de septembre.

Le 23e conferentia international de interlingua es arrangiate in un bon hotel, dece minutas in metro ab le parte historic de Praga.

Participa, apprende e usa interlingua, e experientia tote le possibilitates de un belle lingua international in compania amical, bon collaboration e un commode atmosphera agradabile.

Inscribe te hodie per le scheda de inscription [0] e sparnia multe moneta.
Visita le pagina del 23e conferentia international de interlingua [0] pro plus de informationes.

Praga. Illustration: Azazelok, PixabayLE PRECIOS DEL CONFERENTIA


Adresse de fonte:
http://www.interlingua.com/novas/2019-03-14-conferentia