logo
Publicate per le Union Mundial pro Interlingua (http://www.interlingua.com)

Nove chef del Servicio de Libros

Per Thomas
Create 2018-09-30 10:51

Ruud Harmsen es le nove gerente del servicio que vende libros e litteratura in e super interlingua.

UMIServicio de Libros UMI [0]  Le Servicio de Libros UMI [0] ha reaperite le 24 de septembre con un nove chef.

Ruud Harmsen, nederlandese traductor e programmator professional, ha assumite le responsabilitate de vender libros e litteratura in e super interlingua ab Martijn Dekker, qui desde 2003 ha facite le labor. Ruud Harmsen, qui ha participate in plure conferentias international de interlingua e incontros nordic de interlingua, gere in avantia un sito extense in Internet con i.a. le collection le plus grande de ligamines a materiales in e super interlingua in Internet.

Le Servicio de Libros UMI esseva fundate in 1974 per Frits Goudkuil, imprimitor professional, con le scopo de promover libros de qualitate in interlingua.

Visita le Servicio de Libros UMI pro esser inspirate del grande amonta de titulos original e traducite in multe generes e sempre a bon precios. [0]


Adresse de fonte:
http://www.interlingua.com/official/2018-09-30-serviciodelibros